Pages

Thursday, December 30, 2010

മേരിക്കുണ്ടൊരു കുഞ്ഞാട്‌ (Merikundoru Kunjadu)


ഷാഫി-ബെന്നി.പി.നായരമ്പലം-ദിലീപ്‌ സഖ്യം എട്ട്‌ വര്‍ഷത്തിനു ശേഷം വീണ്ടും ഒന്നിക്കുന്ന ചിത്രമാണ്‌ 'മേരിക്കുണ്ടൊരു കുഞ്ഞാട്‌'.കല്ല്യാണരാമനാണ്‌ ഇവരൊന്നിച്ച ആദ്യ ചിത്രം.ബെന്നി പിന്നീട്‌ ഷാഫിക്കു വേണ്ടി 'തൊമ്മനും മക്കളും','ലോല്ലിപോപ്പ്‌','ചട്ടമ്പിനാട്‌' എന്നീ ചിത്രങ്ങള്‍ക്ക്‌ തിരക്കഥയെഴുതി.ദിലീപിനായി 'മന്ത്രമോതിരം','ചാന്ത്പൊട്ട്‌' എന്നീ ചിത്രങ്ങല്‍ക്കു കഥയെഴുതിയതും ബെന്നിയായിരുന്നു.ഇതില്‍ ലാല്‍ജോസ്‌ സംവിധാനം ചെയ്ത ചാന്ത്പൊട്ട്‌ ദിലീപിണ്റ്റെ കരിയറിലെ നാഴികകല്ലായിരുന്നു.ദിലീപിനെ ജനപ്രിയനായകപദവിയിലേക്ക്‌ ഉയര്‍ത്തിയ കഥാപാത്രങ്ങളായ രാമന്‍ കുട്ടിയും,രാധയും ബെന്നിയുടെ തൂലികതുമ്പിലൂടെ ജനിച്ചവയായിരുന്നു.അതിനാല്‍ തന്നെ ഇവര്‍ വീണ്ടും ഒന്നിക്കുമ്പോള്‍ ഒരു സൂപ്പര്‍ഹിറ്റില്‍ കുറഞ്ഞതൊന്നും പ്രേക്ഷകര്‍ പ്രതീക്ഷിച്ചിരുന്നില്ല.പ്രേക്ഷകരുടെ പ്രതീക്ഷകള്‍ ഷാഫിയുടെ 'കുഞ്ഞാട്‌' തെറ്റിച്ചില്ല എന്നാണ്‌ ആദ്യദിവസങ്ങളിലെ കളക്ഷന്‍ റെക്കോര്‍ഡുകള്‍ സൂചിപ്പിക്കുന്നത്‌.ഒരു മുഴുനീള തമാശചിത്രം മനോഹരമായ ഒരു തിരക്കഥയാല്‍ കെട്ടിപടൂര്‍ത്തിരിക്കയാണിവിടെ.'പാപ്പി അപ്പച്ചാ','കാര്യസ്തന്‍' എന്നീ ചിത്രങ്ങളില്‍ ദിലീപ്‌ ചെയ്ത വേഷങ്ങളില്‍ നിന്നും ഒരുപാട്‌ മുന്‍പിലാണ്‌ 'മേരിക്കുണ്ടൊരു കുഞ്ഞാടി'ലെ സോളമന്‍.ഏകദേശം ചക്കരമുത്തിനോടു സാമ്യതയുണ്ടെങ്കിലും ദിലീപിനെ അയല്‍പക്കത്തെ പയ്യന്‍ ഇമേജിലേക്ക്‌ തിരിച്ചെത്തിച്ചിരിക്കയാണ്‌ ബെന്നി സോളമനിലൂടെ. പ്രേക്ഷകര്‍ കാത്തിരുന്ന കൂട്ടുകെട്ട്‌ മലയാളികള്‍ക്കായി സമ്മാനിച്ച ഒരു നല്ല ക്രിസ്ത്മസ്‌ വിരുന്നു തന്നെയാണ്‌ മേരിക്കുണ്ടൊരു കുഞ്ഞാട്‌.
വൈശാഖ സിനിമയുടെ ബാനറില്‍ വൈശാഖ്‌ രാജനാണ്‌ ചിത്രം നിര്‍മ്മിച്ചിരിക്കുന്നത്‌.ചിത്രത്തില്‍ ഷാഫിയുടെ സ്ഥിരം ഫോര്‍മുലകളെല്ലാം അടങ്ങിയിരിക്കുന്നു.പാവത്താനായ സോളമണ്റ്റെ കഥയാണ്‌ ചിത്രം പറയുന്നത്‌.നാട്ടിലെ കൊച്ചുപിള്ളേര്‍ അടിച്ചാല്‍ തിരിച്ചടിക്കാന്‍ പോലും ധൈര്യമില്ലാത്തവന്‍.നാട്ടുകാര്‍ക്കെല്ലാം സോളമന്‍ 'കുഞ്ഞാട്‌' സോളമനാണ്‌. സര്‍വ്വോപരി പേടിത്തൊണ്ടനും മടിയനുമായ സോളമണ്റ്റെ മനസ്സില്‍ നിറയെ സിനിമാസംവിധായകമോഹങ്ങളാണ്‌.ഇത്‌ അറിഞ്ഞിട്ടുതന്നെ പള്ളീലച്ചന്‍ പള്ളിയിലേക്ക്‌ പൊന്നിന്‍ കുരിശ്ശ്‌ വയ്ക്കാനുള്ള പണം സ്വരൂപിക്കാന്‍ ഒരു സീരിയല്‍ സംവിധാനചുമതല സോളമനെ ഏല്‍പ്പിക്കുന്നു.രസകരമായ പല കാരണങ്ങളാല്‍ ഷൂട്ടിംഗ്‌ അവതാളത്തിലാവുന്നു. സോളമന്‍ നാട്ടിലെ പ്രധാനധനികന്‍ ഇട്ടിച്ചണ്റ്റെ മകള്‍ മേരിയുമായി പ്രേമത്തിലാണ്‌.പണ്ട്‌ ഇട്ടിച്ചന്‌ സോളമണ്റ്റെ അമ്മയെ വലിയ ഇഷ്ടമായിരുന്നു.മേരി എന്നു തന്നെയായിരുന്നു പേരും.ഈ ഇഷ്ടം കല്ല്യാണം വരെ എത്തിയതുമാണ്‌.എന്നാല്‍ ചില കാരണങ്ങളാല്‍ മേരി കല്യാണതലേന്ന്‌ നാട്ടിലെ കപ്യാരുടെ കൂടെ ഒളിച്ചോടി.ഇത്‌ ഇട്ടിച്ചനെ വിഷമിപ്പിച്ചു.ഈ ഇഷ്ടം മനസ്സില്‍ സൂക്ഷിക്കുന്ന ഇട്ടിച്ചന്‍ തണ്റ്റെ ആദ്യമകള്‍ക്ക്‌ മേരി എന്നു പേരിട്ടു.ഈ പഴയ ചതിക്കഥയുടെ പേരില്‍ സോളമന്‌ മേരിയെ കൊടുക്കില്ല എന്ന്‌ ഇട്ടിച്ചന്‍ വാശി പിടിച്ചു.കൂടെകൂടെ മേരിയുടെ ആങ്ങളമാരുടെ ഇടിയും സോളമന്‍ വാങ്ങിച്ചു കൂട്ടി.ഇങ്ങനെയിരിക്കെയാണ്‌ തണ്റ്റെ വീട്ടിനടുത്തുള്ള പൊട്ടക്കിണറ്റില്‍ നിന്നും അപരിചിതനായ ഒരാളെ സോളമന്‍ രക്ഷിക്കുന്നത്‌.മേരിയുടെ ആങ്ങളമാരോട്‌ പിടിച്ചുനില്‍ക്കാന്‍ കെല്‍പ്പുള്ള ഇയാളെ പിന്നീട്‌ സോളമന്‍ തണ്റ്റെ ഒളിച്ചോടിപ്പോയ ചേട്ടന്‍ 'ജോസ്‌' ആണെന്ന വ്യാജപ്രചരണം നടത്തി കൂടെകൊണ്ടുനടക്കുന്നു.മേരിയുടെ തണ്ടും തടിയുമുള്ള ചേട്ടന്‍മാരോട്‌ പിടിച്ചുനില്‍ക്കാന്‍ കെല്‍പ്പുള്ള ജോസിണ്റ്റെ നിഴലില്‍ സോളമന്‍ തലപൊക്കി തുടങ്ങുന്നു.തുടര്‍ന്ന്‌ ചിത്രം രസകരമായ മുഹൂര്‍ത്തങ്ങളിലൂടെ സഞ്ചരിക്കുന്നു.സോളമന്‌ മേരിയെ കിട്ടുമോ?,ജോസ്‌ സോളമനെ സഹായിക്കുന്നതിന്‌ പിന്നിലെന്താണ്‌? തൂടങ്ങിയ ചോദ്യങ്ങള്‍ക്ക്‌ ഉത്തരം കണ്ടെത്തലോടെ സിനിമ ശുഭകരമായ അന്ത്യത്തിലേക്ക്‌.
സൂപ്പര്‍സ്റ്റാര്‍ ഇമേജ്‌ പാടെ എടുത്ത്‌ കളഞ്ഞ്‌ തിരിച്ചടിക്കാന്‍ ധൈര്യമില്ലാത്ത ഒരു സാധാരണക്കാരനായ സോളമണ്റ്റെ കഥാപാത്രം ദിലീപിനെ ഏറെ കാലം പിന്നോട്ട്‌ കൊണ്ടുപോകുന്നു.ഒരുപാട്‌ കാലമായി ജനപ്രിയനായകറ്റെ മികച്ച ചിത്രങ്ങള്‍ക്ക്‌ വേണ്ടി കൊതിക്കുന്ന ആരാധകരടക്കമുള്ള പ്രേക്ഷകര്‍ക്ക്‌ ആശ്വാസം പകരുന്നതാണ്‌ മേരിക്കുണ്ടൊരു കുഞ്ഞാടിലൂടെയുള്ള ദിലീപിണ്റ്റെ ഉജ്വലമായ തിരിച്ചുവരവ്‌.സിനിമ കഴിഞ്ഞിറങ്ങുന്ന ഓരോ പ്രേക്ഷകരേയും അമ്പരിപ്പിച്ച കഥാപാത്രമാണ്‌ ജോസ്‌.ചിരിക്കാത്ത,അധികം സംസാരിക്കാത്ത ജോസായി എത്തിയത്‌ ബിജുമേനോനാണ്‌.ബിജുമേനോന്‍ ഇതുവരെ ചെയ്തതില്‍ വച്ച്‌ ഏറ്റവും വ്യത്യസ്തമായ റോളായി ജോസ്‌ എന്ന കഥാപാത്രത്തെ വിശേഷിപ്പിക്കാം.മുടിയാകെ പറ്റെ വെട്ടി ഒരു ജയില്‍പ്പുള്ളിയുടെ ഗെറ്റപ്പില്‍ ഗാംഭീര്യം കൈവിടാതെ മനോഹരമായി അഭിനയിച്ച ബിജുമേനോനാണ്‌ മേരിക്കുണ്ടൊരു കുഞ്ഞാടിലെ യദ്ധാര്‍ഥതാരം.ഇട്ടിച്ചനായി ഇന്നസെണ്റ്റ്‌ ഒരു നെഗറ്റീവ്‌ ടെച്ചുള്ള കഥാപാത്രത്തെ കൈകാര്യം ചെയ്തപ്പോള്‍ മകള്‍ മേരിയായി ഭാവന അഭിനയിച്ചിരിക്കുന്നു.ട്വണ്റ്റി-ട്വണ്റ്റി ക്കു ശേഷം ഇവര്‍ ജോഡികളാകുന്ന ചിത്രമാണിത്‌.ദിലീപിണ്റ്റെ അമ്മ മേരിയായി വിനയപ്രസാദ്‌ അഭിനയിച്ചപ്പോള്‍ കപ്യാരായി വിജയരാഘവന്‍ വേഷമിട്ടിരിക്കുന്നു.ശവപ്പെട്ടി കച്ചവടക്കാരനായുള്ള സലീം കുമാറിണ്റ്റെ കഥാപാത്രം തമാശയും ഗൌരവവും ഒരുപോലെ കൈകാര്യം ചെയ്ത്‌ കയ്യടിനേടി.പള്ളീലച്ചനായി ജഗതി അഭിനയിച്ചിരിക്കുന്നു.ബിജുമേനോണ്റ്റെ വരവ്‌ വരെ വളരെ ഇഴഞ്ഞു നീങ്ങിയതും തമാശകള്‍ പതിവുപോലെ ശ്രദ്ധപിടിച്ചുപറ്റാതെ പോയതും ചിത്രത്തിനെ കുറച്ച്‌ പിന്നോട്ടുവലിക്കുന്നെങ്കിലും എല്ലാം മറന്ന്‌ ആസ്വദിക്കാന്‍ പറ്റിയ എല്ലാം ഈ സിനിമയിലുണ്ട്‌.ബേര്‍ണി-ഇഗ്നേഷ്യസ്‌ സംഗീതസംവിധാനം നിര്‍വ്വഹിച്ച ഗാനങ്ങള്‍ ഒന്നും തന്നെ മനസ്സില്‍ തങ്ങിനില്‍ക്കുന്നവയല്ല.എന്നാല്‍ ഗാനങ്ങള്‍ ചായാഗ്രഹണഭംഗിയാല്‍ ശ്രദ്ധിക്കപ്പെടുന്നു.ശ്യാം ദത്താണ്‌ ക്യാമറ ചലിപ്പിച്ചിരിക്കുന്നത്‌.അനില്‍ പനച്ചൂരാന്‍ ഗാനരചന നിര്‍വ്വഹിച്ചിരിക്കുന്നു. കാണ്ടഹാര്‍,ബെസ്റ്റ്‌ ആക്ടര്‍,ടൂര്‍ണമണ്റ്റ്‌ എന്നീ ചിത്രങ്ങള്‍ മത്സരിക്കാന്‍ രംഗത്തുണ്ടെങ്കിലും മേരിക്കുണ്ടൊരു കുഞ്ഞാട്‌ ഒരു ചുവട്‌ മുന്നില്‍ തന്നെയാണ്‌.ഷാഫി-ബെന്നി-ദിലീപ്‌ കൂട്ടുകെട്ടിണ്റ്റെ മറ്റൊരു സൂപ്പര്‍ഹിറ്റ്‌ ആയി മാറട്ടെ എന്ന്‌ ആശംസിക്കുന്നു. ഏവര്‍ക്കും ചിത്രക്കൂട്ടിണ്റ്റെ പുതുവത്സരാശംസകള്‍!!
റേറ്റിംഗ്‌:5.5/10.0

Thursday, December 2, 2010

മലയാളസിനിമയിലെ മികച്ച വിജയം നേടിയ ചിത്രങ്ങള്‍(1980-2010)








80's
1980
  • അങ്ങാടി-ജയന്‍
  • മഞ്ഞില്‍ വിരിഞ്ഞ പൂക്കള്‍(ശങ്കറിണ്റ്റെ ആദ്യചിത്രം,വില്ലനായുള്ള മഹാനടന്‍ മോഹന്‍ലാലിണ്റ്റെ അരങ്ങേറ്റം)-ശങ്കര്‍,മോഹന്‍ലാല്‍
  • വില്‍ക്കാനുണ്ട്‌ സ്വപ്നങ്ങള്‍-സുകുമാരന്‍,മമ്മൂട്ടി
1981
  • തൃഷ്ണ-മമ്മൂട്ടി
  • കോളിളക്കം-ജയന്‍
  • അട്ടിമറി-പ്രേം നസീര്‍
  • മേള-മമ്മൂട്ടി
1982
  • പടയോട്ടം-പ്രേം നസീര്‍,മധു,മോഹന്‍ലാല്‍,മമ്മൂട്ടി
  • യവനിക-ഭരത്‌ ഗോപി,മമ്മൂട്ടി
  • പൂ വിരിയും പുലരി-ശങ്കര്‍,മോഹന്‍ലാല്‍,മമ്മൂട്ടി
  • ഇണ
1983
  • ആ രാത്രി(150 ദിവസം തിയേറ്ററുകളില്‍ ഓടി,മമ്മൂട്ടിയെ സൂപ്പര്‍സ്റ്റാര്‍ പദവിയിലേക്ക്‌ ഉയര്‍ത്തിയ സിനിമ)-മമ്മൂട്ടി
  • കൂടെവിടെ-സുഹാസിനി,മമ്മൂട്ടി,റഹ്മാന്‍
  • എണ്റ്റെ മാമാട്ടികുട്ടിയമ്മക്ക്‌-ഭരത്‌ ഗോപി,മോഹന്‍ലാല്‍
  • ആട്ടക്കലാശം-പ്രേം നസീര്‍,മോഹന്‍ലാല്‍
  • താളം തെറ്റിയ താരാട്ട്‌-രാജ്കുമാര്‍
1984
  • അതിരാത്രം(അക്കാലത്തെ റെക്കോര്‍ഡ്‌ കളക്ഷന്‍)-മമ്മൂട്ടി,മോഹന്‍ലാല്‍,ശങ്കര്‍
  • സന്ദര്‍ഭം-മമ്മൂട്ടി
  • അടിയൊഴുക്കുകള്‍-മമ്മൂട്ടി,മോഹന്‍ലാല്‍
  • കാണാമറയത്ത്‌-മമ്മുട്ടി,ലാലു അലക്സ്‌
  • മൈ ഡിയര്‍ കുട്ടിച്ചാത്തന്‍
  • ഇത്തിരിപൂവേ ചുവന്നപൂവേ-മമ്മൂട്ടി,റഹ്മാന്‍
1985
  • ഈ ശബ്ദം ഇന്നത്തെ ശബ്ദം(150 ദിവസം,മെഗാ ഹിറ്റ്‌)-മമ്മൂട്ടി
  • യാത്ര(150 ദിവസം,റെക്കോര്‍ഡ്‌ കളക്ഷന്‍)-മമ്മുട്ടി
  • നോക്കെത്താ ദൂരത്ത്‌ കണ്ണും നട്ട്‌-മോഹന്‍ലാല്‍,നദിയ മൊയ്തു
  • കാതോടു കാതോരം-മമ്മൂട്ടി
  • ഈറന്‍ സന്ധ്യ-മമ്മൂട്ടി,റഹ്മാന്‍
  • ഈ തണലില്‍ ഇത്തിരി നേരം-മമ്മൂട്ടി
1986
  • രാജാവിണ്റ്റെ മകന്‍(റെക്കോര്‍ഡ്‌ കളക്ഷന്‍,മോഹന്‍ലാല്‍ സൂപ്പര്‍സ്റ്റാര്‍ സിംഹാസനത്തിലേക്ക്‌)-മോഹന്‍ലാല്‍
  • ഗാന്ധിനഗര്‍ സെക്കണ്റ്റ്‌ സ്ട്രീറ്റ്‌(സൂപ്പര്‍ ഹിറ്റ്‌)-മോഹന്‍ലാല്‍,മമ്മൂട്ടി
  • താളവട്ടം(സൂപ്പര്‍ ഹിറ്റ്‌)-മോഹന്‍ലാല്‍
  • ആവനാഴി(ഹിറ്റ്‌)-മമ്മൂട്ടി
  • ടി.പി.ബാലഗോപാലന്‍ എം. എ-മോഹന്‍ലാല്‍
1987
  • ഇരുപതാം നൂറ്റാണ്ട്‌(റെക്കോര്‍ഡ്‌ കളക്ഷന്‍,മെഗാ ഹിറ്റ്‌)-മോഹന്‍ലാല്‍,സുരേഷ്‌ ഗോപി
  • ന്യൂ ഡല്‍ഹി(മെഗാ ഹിറ്റ്‌)-മമ്മൂട്ടി
1988
  • ചിത്രം(ഇതുവരേയുള്ള എല്ലാ കളക്ഷനും തിരുത്തിക്കുറിച്ച സിനിമ,365 ദിവസം ദക്ഷിണേന്ത്യയില്‍ പൂര്‍ത്തിയാക്കി എന്ന എവര്‍ഗ്രീന്‍ റെക്കോര്‍ഡ്‌)-മോഹന്‍ലാല്‍
  • ഒരു സി.ബി.ഐ. ഡയറിക്കുറിപ്പ്‌(ഹിറ്റ്‌)-മമ്മൂട്ടി
1989
  • ഒരു വടക്കന്‍ വീരഗാഥ(റെക്കോര്‍ഡ്ബ്രേക്കര്‍ ഹിറ്റ്‌)-മമ്മൂട്ടി
  • കിരീടം-മോഹന്‍ലാല്‍
  • റാംജിറാവു സ്പീക്കിംഗ്‌(സിദ്ധിക്ക്‌-ലാലിണ്റ്റെ ആദ്യചിത്രം)- മുകേഷ്‌,സായികുമാര്‍,ഇന്നസെണ്റ്റ്‌
  • നായര്‍ സാബ്‌(മെഗാ ഹിറ്റ്‌)-മമ്മൂട്ടി
  • വടക്കുനോക്കിയന്ത്രം(ശ്രീനിവാസനെ ഒരു ഹാസ്യനടന്‍,തിരക്കഥാകൃത്ത്‌ എന്നീ മുഖച്ചായകളില്‍ നിന്നും മാറ്റിയ ചിത്രം)-ശ്രീനിവാസന്‍









90's
1990
  • കോട്ടയം കുഞ്ഞച്ചന്‍(150 ദിവസം,മെഗാ ഹിറ്റ്‌)-മമ്മൂട്ടി
  • ഹിസ്‌ ഹൈനസ്സ്‌ അബ്ദുള്ള-മോഹന്‍ലാല്‍
  • ഇന്‍ ഹരിഹര്‍ നഗര്‍(റെക്കോര്‍ഡുകള്‍ തിരുത്തിയ ചിത്രം,മുകേഷിണ്റ്റെയും,ജഗദീഷിണ്റ്റെയും കരിയര്‍ മാറ്റിമറിച്ച സിനിമ)- മുകേഷ്‌,ജഗദീഷ്‌
  • നം. 20 മദ്രാസ്‌ മെയില്‍-മോഹന്‍ലാല്‍,മമ്മൂട്ടി
  • കളിക്കളം(മെഗാ ഹിറ്റ്‌)-മമ്മൂട്ടി
  • തലയണമന്ത്രം-ശ്രീനിവാസന്‍
1991
  • കിലുക്കം(സര്‍വ്വകാല മെഗാഹിറ്റ്‌)-മോഹന്‍ലാല്‍
  • ഗോഡ്ഫാദര്‍(ചിത്രത്തിണ്റ്റെ റെക്കോര്‍ഡ്‌ തകര്‍ത്ത്‌ 400 ദിവസം തിയേറ്റരുകളില്‍ പ്രദര്‍ശിപ്പിച്ച്‌ മലയാളസിനിമയില്‍ നാഴികകല്ലായി മാറിയ സിനിമ)-മുകേഷ്‌,ജഗദീഷ്‌
  • ഇന്‍സ്പെക്ടര്‍ ബല്‍റാം(മെഗാ ഹിറ്റ്‌)-മമ്മൂട്ടി
  • ഭരതം(മെഗാ ഹിറ്റ്‌)-മോഹന്‍ലാല്‍
  • എണ്റ്റെ സൂര്യപുത്രിക്ക്‌-സുരേഷ്‌ ഗോപി
  • അഭിമന്യു-മോഹന്‍ലാല്‍
1992
  • പപ്പയുടെ സ്വന്തം അപ്പൂസ്‌-മമ്മൂട്ടി
1993
  • മണിച്ചിത്രത്താഴ്‌(റെക്കോര്‍ഡുകള്‍ തകര്‍ത്ത ചിത്രം)-മോഹന്‍ലാല്‍,സുരേഷ്‌ ഗോപി
  • ദേവാസുരം(മെഗാ ഹിറ്റ്‌)-മോഹന്‍ലാല്‍
  • ഏകലവ്യന്‍-സുരേഷ്‌ ഗോപി
  • ജാക്ക്പോട്ട്‌(മെഗാ ഹിറ്റ്‌)-മമ്മൂട്ടി
  • ആകാശദൂത്‌-മുരളി
  • മേലെപ്പറമ്പില്‍ ആണ്‍ വീട്‌(ജയറാമിനെ അയല്‍ വക്കത്തെ പയ്യന്‍ ഇമേജിലേക്ക്‌ കൊണ്ടുവന്ന സിനിമ)-ജയറാം
1994
  • തേന്‍മാവിന്‍ കൊമ്പത്ത്‌(മെഗാ ഹിറ്റ്‌)-മോഹന്‍ലാല്‍
  • കമ്മീഷണര്‍(മെഗാ ഹിറ്റ്‌-സുരേഷ്‌ ഗോപിയെ സൂപ്പര്‍സ്റ്റാര്‍ പദവിലേക്കെത്തിച്ച സിനിമ)- സുരേഷ്‌ ഗോപി
  • കാബൂളിവാല-വിനീത്‌
  • കാഷ്മീരം-സുരേഷ്‌ ഗോപി
  • മിന്നാരം-മോഹന്‍ലാല്‍
1995
  • ദ കിംഗ്‌(കളക്ഷന്‍ റെക്കോര്‍ഡുകള്‍ ഭേദിച്ച ചിത്രം,മമ്മൂട്ടി-രണ്‍ജി പണിക്കര്‍-ഷാജി കൈലാസ്‌ കൂട്ടുകെട്ട്‌)-മമ്മൂട്ടി
  • സ്ഫടികം(മെഗാ ഹിറ്റ്‌)-മോഹന്‍ലാല്‍
  • മഴയെത്തും മുന്‍പെ(150 ദിവസം,സൂപ്പര്‍ ഹിറ്റ്‌)-മമ്മൂട്ടി,ശ്രീനിവാസന്‍
  • ഒരു അഭിഭാഷകണ്റ്റെ കേസ്‌ ഡയറി(100 ദിവസം,സൂപ്പര്‍ ഹിറ്റ്‌)-മമ്മൂട്ടി
1996
  • ഹിറ്റ്‌ ലര്‍(മെഗാ ഹിറ്റ്‌)-മമ്മൂട്ടി
1997
  • ആറാം തമ്പുരാന്‍(മെഗാ ഹിറ്റ്‌)-മോഹന്‍ലാല്‍
  • ചന്ദ്രലേഖ-മോഹന്‍ലാല്‍
  • അനിയത്തിപ്രാവ്‌-കുഞ്ചാക്കോ ബോബന്‍
  • ലേലം-സുരേഷ്‌ ഗോപി
  • വര്‍ണ്ണപകിട്ട്‌-മോഹന്‍ലാല്‍
  • ജനാധിപത്യം-സുരേഷ്‌ ഗോപി
1998
  • ഹരികൃഷ്ണന്‍സ്‌-മമ്മൂട്ടി,മോഹന്‍ലാല്‍,കുഞ്ചാക്കോ ബോബന്‍
  • ഒരു മറവത്തൂറ്‍ കനവ്‌-മമ്മൂട്ടി
  • സമ്മര്‍ ഇന്‍ ബത്‌ ലഹേം-ജയറാാ,സുരേഷ്‌ ഗോപി,മോഹന്‍ലാല്‍
  • പഞ്ചാബി ഹൌസ്‌(മെഗാ ഹിറ്റ്‌)-ദിലീപ്‌
1999
  • പത്രം-സുരേഷ്‌ ഗോപി
  • ഫ്രണ്ട്സ്‌-ജയറാം,മുകേഷ്‌,ശ്രീനിവാസന്‍
  • നിറം-കുഞ്ചാക്കോ ബോബന്‍,ശാലിനി
  • ആകാശഗംഗ-ദിവ്യാ ഉണ്ണി
  • വാസന്തിയും ലക്ഷ്മിയും പിന്നെ ഞാനും-കലാഭവന്‍ മണി
  • തച്ചിലേടത്ത്‌ ചുണ്ടന്‍-മമ്മൂട്ടി
2000-10
2000
  • വല്ല്യേട്ടന്‍-മമ്മൂട്ടി
  • നരസിഹം(175 ദിവസങ്ങള്‍ പ്രദര്‍ശിപ്പിച്ചു,റെക്കോര്‍ഡ്‌ കളക്ഷന്‍)-മോഹന്‍ലാല്‍,മമ്മൂട്ടി
  • തെങ്കാശിപട്ടണം(മെഗാ ഹിറ്റ്‌)-ദിലീപ്‌,സുരേഷ്‌ ഗോപി,ലാല്‍
  • ദാദാ സാഹിബ്‌-മമ്മൂട്ടി
2001
  • രാവണപ്രഭു-മോഹന്‍ലാല്‍
  • ഈ പറക്കും തളിക-ദിലീപ്‌
2002
  • മീശമാധവന്‍(റെക്കോര്‍ഡ്‌ കളക്ഷന്‍,ദിലീപ്‌ സൂപ്പര്‍സ്റ്റാറാകുന്നു)-ദിലീപ്‌
  • കുഞ്ഞിക്കൂനന്‍-ദിലീപ്‌
  • കല്യാണരാമന്‍-ദിലീപ്‌
  • നമ്മള്‍-സിദ്ധാര്‍ഥ്‌
2003
  • ബാലേട്ടന്‍(161 ദിവസം)-മോഹന്‍ലാല്‍
  • ക്രോണിക്ക്‌ ബാച്‌ലര്‍-മമ്മൂട്ടി
  • സി.ഐ.ഡി. മൂസ-ദിലീപ്‌
  • മനസ്സിനക്കരെ-ജയറാം
  • തിളക്കം-ദിലീപ്‌
  • സ്വപ്നക്കൂട്‌-കുഞ്ചാക്കോ ബോബന്‍,പ്രിഥ്വിരാജ്‌,ജയസൂര്യ
2004
  • സേതുരാമയ്യര്‍ സി.ബി. ഐ-മമ്മൂട്ടി
  • 4 ദി പീപ്പ്ള്‍-നരേന്‍,ഭരത്‌
  • കാഴ്ച്ച-മമ്മുട്ടി
2005
  • രാജമാണിക്യം(ഏറ്റവും വലിയ വിജയം)-മമ്മൂട്ടി
  • ഉദയനാണ്‌ താരം(മെഗാ ഹിറ്റ്‌,150 ദിവസം)-മോഹന്‍ലാല്‍
  • നരന്‍(സൂപ്പര്‍ ഡ്യൂപ്പര്‍ ഹിറ്റ്‌)-മോഹന്‍ലാല്‍
  • തൊമ്മനും മക്കളും(മെഗാ ഹിറ്റ്‌-100 ദിവസം)-മമ്മൂട്ടി,ലാല്‍
  • ഭരത്ചന്ദ്രന്‍ ഐ.പി. എസ്‌-സുരേഷ്‌ ഗോപി
  • അച്ചുവിണ്റ്റെ അമ്മ-നരേന്‍,മീരാ ജാസ്മിന്‍
  • ചാന്ത്പൊട്ട്‌-ദിലീപ്‌
2006
  • കീര്‍ത്തിച്ചക്ര-മോഹന്‍ലാല്‍
  • ക്ളാസ്സ്മേറ്റ്സ്‌(റെക്കോര്‍ഡ്‌ ബ്രേക്കിംഗ്‌ ഹിറ്റ്‌)-പ്രിഥ്വിരാജ്‌,ജയസൂര്യ,ഇന്ദ്രജിത്ത്‌,നരേന്‍
  • രസതന്ത്രം(മെഗാ ഹിറ്റ്‌-150 ദിവസം)-മോഹന്‍ലാല്‍
  • തന്‍മാത്ര-മോഹന്‍ലാല്‍
  • വടക്കുംനാഥന്‍-മോഹന്‍ലാല്‍
  • തുറുപ്പ്ഗുലാന്‍-മമ്മൂട്ടി
2007
  • ഹലോ-മോഹന്‍ലാല്‍
  • മായാവി-മമ്മൂട്ടി
  • കഥ പറയുമ്പോള്‍-ശ്രീനിവാസ,മമ്മൂട്ടി
  • ബിഗ്‌ ബി-മമ്മൂട്ടി
  • ചോട്ടാ മുംബൈ-മോഹന്‍ലാല്‍
  • ചോക്കലേറ്റ്‌-പ്രിഥ്വിരാജ്‌,ജയസൂര്യ
  • വിനോദയാത്ര-ദിലീപ്‌
  • അറബികഥ-ശ്രീനിവാസന്‍,ജയസൂര്യ
2008
  • ട്വണ്റ്റി-ട്വണ്റ്റി(33 കോടി കളക്ഷന്‍,റെക്കോര്‍ഡ്‌)-മോഹന്‍ലാല്‍,മമ്മൂട്ടി,ജയറാം,സുരേഷ്‌ ഗോപി,ദിലീപ്‌
  • അണ്ണന്‍ തമ്പി(15 കോടി കളക്ഷനോടെ 2008-ല്‍ രണ്ടാം സ്ഥാനത്ത്‌)-മമ്മൂട്ടി
  • വെറുതെ ഒരു ഭാര്യ-ജയറാം
  • മാടമ്പി-മോഹന്‍ലാല്‍
2009
  • പഴശ്ശി രാജ-മമ്മൂട്ടി
  • ചട്ടമ്പി നാട്‌-മമ്മൂട്ടി
  • 2 ഹരിഹര്‍ നഗര്‍(8.7 കോടി കളക്ഷന്‍)-മുകേഷ്‌,ജഗദീഷ്‌,അശോകന്‍,സിദ്ധിക്ക്‌
  • ഇവര്‍ വിവാഹിതരായാല്‍-ജയസൂര്യ
  • പുതിയ മുഖം-പ്രിഥ്വിരാജ്‌
  • പാസ്സഞ്ചര്‍(സൂപ്പര്‍ ഹിറ്റ്‌)-ദിലീപ്‌
  • ഭ്രമരം(ഹിറ്റ്‌)-മോഹന്‍ലാല്‍
2010
  • ശിക്കാര്‍-മോഹന്‍ലാല്‍
  • പോക്കിരി രാജ-മമ്മൂട്ടി,പ്രിഥ്വിരാജ്‌
  • മലര്‍വാടി ആര്‍ട്സ്‌ ക്ളബ്ബ്‌
  • ഹാപ്പി ഹസ്ബണ്റ്റ്സ്‌-ജയറാം,ജയസൂര്യ,ഇന്ദ്രജിത്ത്‌

Sunday, November 28, 2010

ചില്‍ഡ്രന്‍ ഓഫ്‌ ഹെവന്‍ (Children of Heaven) (1997)


ഇറാനിയന്‍ സംവിധായകന്‍ മജീദി-മജീദി സംവിധാനം ചെയ്ത ഇറാനിയന്‍ ചിത്രമാണ്‌ 'ഹില്‍ഡ്രന്‍ ഓഫ്‌ ഹെവന്‍'. .മജീദി-മജീദി തന്നെ രചന നിര്‍വ്വഹിച്ച ചിത്രം 'ബച്ചേഹാ-യെ-അസ്മാന്‍' എന്ന പേരില്‍ പേര്‍ഷ്യന്‍ ഭാഷയില്‍ 1997 നു പുറത്തിറങ്ങി.ഒരു പൂര്‍ണ്ണ ഇറാനിയന്‍ ചലച്ചിത്രം.തുടര്‍ന്ന്‌ ഏറെ പ്രശംസ നേടിയ ചിത്രം 'ചില്‍ഡ്രന്‍ ഓഫ്‌ ഹെവന്‍' എന്ന പേരില്‍ ലോകമെമ്പാടുമുള്ള സിനിമാശാലകളില്‍ നിറഞ്ഞാടി.പൂര്‍ണ്ണമായും കുട്ടികളെ ലക്ഷ്യമിട്ട സിനിമ പക്ഷെ വെള്ളിത്തിരയില്‍ പ്രേക്ഷകരെ അത്ഭുതപ്പെടുത്തി.ചലച്ചിത്രോത്സവങ്ങളില്‍ പ്രേക്ഷകശ്രദ്ധ പിടിച്ചു പറ്റിയ ചിത്രം ആ വര്‍ഷത്തെ മികച്ച വിദേശചിത്രത്തിനായുള്ള അക്കാദമി അവാര്‍ഡ്‌ നോമിനേഷന്‍ നേടി.90 മിനിട്ടുകള്‍ കൊണ്ട്‌ ഒരു കൊച്ചു ആശയത്തെ തന്‍മയത്തത്തോടെ ചിത്രീകരിച്ച സിനിമ പിന്നീട്‌ അര്‍ജണ്റ്റീനിയന്‍ ഫിലിം ക്രിറ്റിക്സ്‌ അവാര്‍ഡും,മോണ്ട്രിയല്‍ വേള്‍ഡ്‌ ഫിലിം ഫെസ്റ്റിണ്റ്റെ 4 അവാര്‍ഡുകള്‍ ഉള്‍പ്പെടെ 12 അവാര്‍ഡുകള്‍ സ്വന്തമാക്കി കൊണ്ട്‌ മജീദി-മജീദിയുടെ 17 സംവിധാനസംരഭങ്ങളില്‍ ഏറ്റവും മികച്ചതായി നിലകൊള്ളുന്നു.
അലി എന്ന പയ്യണ്റ്റെയും അവണ്റ്റെ കൊച്ചു പെങ്ങള്‍ സാറയുടെയും നിഷ്കളങ്കമായ കഥയാണ്‌ 'ചില്‍ഡ്രന്‍ ഓഫ്‌ ഹെവന്‍' പറയുന്നത്‌.തിരക്കുപിടിച്ച ജോലിയിലാണ്‌ അലിയുടെ അച്ചന്‍.അമ്മക്കു നല്ല സുഖമില്ല.ഈ സാഹചര്യത്തില്‍ വീട്ടുകാര്യങ്ങല്‍ ശ്രദ്ധിക്കാന്‍ അലിയെയാണ്‌ അച്ചന്‍ ചുമതലപ്പെടുത്തിയിരിക്കുന്നത്‌.ഒരു ദിവസം അനിയത്തിയുടെ ഷൂ ചെരുപ്പുകുത്തിയുടെ കയ്യില്‍ നിന്നും അലി വാങ്ങിക്കുന്നു.തുടര്‍ന്നു പച്ചക്കറിക്കടയില്‍ വച്ച്‌ ഷൂ കാണാതാവുന്നു.അലി ആകെ ധര്‍മ്മസങ്കടത്തിലായി.അനിയത്തിക്കു നാളെ സ്കൂളില്‍ പോകണമെങ്കില്‍ ഷൂ നിര്‍ബന്ധമാണ്‌.പുതിയ ഷൂ വാങ്ങിക്കാന്‍ പോലും പറ്റാത്ത സാമ്പത്തികസ്തിഥിയിലാണ്‌ അലിയുടെ കുടുംബം.ഷൂ നഷ്ട്ടപെട്ട കാര്യം അച്ചനറിഞ്ഞാലുണ്ടാകുന്ന പൊല്ലാപ്പുകള്‍ അലി പെങ്ങളോട്‌ പറഞ്ഞു മനസിലാക്കികൊടുക്കുന്നു.തുടര്‍ന്ന്‌ അലി തണ്റ്റെ ഷൂ പെങ്ങള്‍ക്കു നല്‍കുന്നു.അവളുടെ സ്കൂള്‍ വിട്ടത്തിനുശേഷം മാത്രമെ അലിയുടെ ക്ളാസ്സ്‌ തുടങ്ങുന്നുള്ളു എന്നതുകൊണ്ടുതന്നെ കാര്യങ്ങള്‍ എളുപ്പമായിരുന്നു.പിറ്റേന്നു തൊട്ട്‌ തന്നെ ഷൂ കൈമാറ്റം തുടങ്ങി.പിന്നീട്‌ രസകരമായ സംഭവങ്ങളിലൂടെ സിനിമ മുന്നോട്ട്‌ പോകുന്നു.പക്ഷെ അലിയുടെ മനസ്സ്‌ കൊച്ചുപെങ്ങള്‍ക്കു ഷൂ വാങ്ങുന്നതിനെക്കുറിച്ച്‌ ചിന്തിച്ചുകൊണ്ടിരുന്നു.അച്ചണ്റ്റെ കൂടെ നഗരത്തില്‍ തോട്ടപ്പണിക്ക്‌ പോയി കൈനിറയെ കാശുമായി വരുമ്പോഴും പെങ്ങള്‍ക്കു ഷൂ വാങ്ങിച്ച്‌ നല്‍കുന്നതിനെക്കുറിച്ചായിരുന്നു അലി ആദ്യമായി ആവശ്യപ്പെട്ടത്‌.എന്നാല്‍ വരുന്ന വഴിക്ക്‌ തങ്ങള്‍ സഞ്ചരിച്ച സൈക്കിള്‍ അപകടത്തില്‍ പെട്ടതും ചികിത്സക്കായി പണം ചിലവായതും തണ്റ്റെ മോഹങ്ങള്‍ക്കു താല്‍ക്കാലികമായി വിനയാകുന്നു.പിന്നീട്‌ സ്കൂളില്‍ നിന്നും ഒരു മാരത്തോണ്‍ മത്സരത്തിനുള്ള തിരഞ്ഞെടുപ്പ്‌ തുടങ്ങുന്നു.ഈ മത്സരത്തില്‍ മൂന്നാം സ്ഥാനം നേടിയാല്‍ ലഭിക്കുന്നത്‌ ഷൂവാണെന്ന കാര്യം ശ്രദ്ധയില്‍ പെട്ട അലി മത്സരത്തില്‍ പങ്കെടുക്കുന്നു.തുടര്‍ന്ന്‌ പ്രേക്ഷകരെയാകെ ആകാംശയിലാഴ്ത്തി,അലിയും സാറയും തമ്മിലുള്ള സഹോദര്യബന്ധത്തെ സാക്ഷിനിര്‍ത്തി ചിത്രം ശുഭകരമായ അന്ത്യത്തിലേക്ക്‌.സ്വര്‍ഗീയതുല്ല്യരായി അലിയും സഹറയും പ്രേക്ഷകമനസ്സില്‍ നിറയുന്നു. അലിയായി അമീര്‍ ഫിറോക്കും സാറയായി ബഹാറെ സിദ്ധിക്കിയും ആണ്‌ അഭിനയിച്ചിരിക്കുന്നത്‌.
180,000 ഡോള്ളര്‍ മുടക്കി ചിത്രീകരിച്ച സിനിമ 933,933 ഡോള്ളര്‍ കളക്ഷന്‍ നേടി.'ബൈസിക്കിള്‍ തീവ്സ്‌' എന്ന ഇറ്റാലിയന്‍ ചിത്രത്തോടു സാദൃശ്യമുള്ള 'ചില്‍ഡ്രന്‍ ഓഫ്‌ ഹെവന്‍' ആശയപരമായി ഏറെ വേറിട്ടുനില്‍ക്കുന്നു.ഈ ചിത്രം ഈയിടെ 'ബം ബം ബോലെ' എന്ന പേരില്‍ ബോളിവുഡിലേക്ക്‌ മലയാളികളുടെ പ്രിയസംവിധായകന്‍ പ്രിയദര്‍ശന്‍ റീമേക്ക്‌ ചെയ്തെങ്കിലും ഒട്ടും ശ്രദ്ധ നേടാതെ പോയി.ദര്‍ശീല്‍ സഫാരി(താരെ സമീന്‍ പര്‍) ആണ്‌ അലിയുടെ റോള്‍ കൈകാര്യം ചെയ്തത്‌. മജീദി-മജീദിയുടെ 17 ചിത്രങ്ങളില്‍ 2000-ത്തിലെ മികച്ച 10 ചിത്രങ്ങളില്‍ ഇടം നേടിയ കളര്‍ ഓഫ്‌ പാരഡൈസും,ദ സോങ്ങ്‌ ഓഫ്‌ സ്പാരോവ്സും തിളങ്ങിനില്‍ക്കുന്നുവെങ്കിലും 'ചില്‍ഡ്രന്‍ ഓഫ്‌ ഹെവന്‍' ഒരു പിടി മുന്നില്‍ തന്നെ.
റേറ്റിംഗ്‌ :8.0/10
IMDB റേറ്റിംഗ്‌:8.1/10

Sunday, October 3, 2010

എന്തിരന്‍ (Enthiran)


അങ്ങനെ എന്തിരന്‍ ലോകമെമ്പാടുമുള്ള തിയേറ്ററുകളില്‍ ഒക്റ്റോബര്‍ ഒന്നിനു റിലീസ്‌ ആയി.മുതല്‍ മുടക്കിണ്റ്റെ കാര്യത്തില്‍ ഇന്ത്യന്‍ ചിത്രങ്ങളില്‍ മുന്നില്‍ നില്‍ക്കുന്ന ഈ ശങ്കര്‍ ചിത്രം കേരളത്തിലെ 108 തിയേറ്ററുകളിലാണ്‌ പ്രദര്‍ശനത്തിനെത്തിയത്‌.സൂപ്പര്‍ സംവിധായകണ്റ്റെ കൂടെ സൂപ്പര്‍സ്റ്റാര്‍ രജനിയും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്‌.കൂടാതെ ഐശ്വര്യാറായ്‌ ബച്ചന്‍,എ.ആര്‍.റഹ്മാന്‍,റസൂല്‍ പൂക്കുറ്റി എന്നിവരുടെ സാന്നിദ്ധ്യവും 'എന്തിരന്‌' റിലീസിനു മുന്‍പു തന്നെ പ്രേക്ഷകശ്രദ്ധ നേടികൊടുത്തു.ഇതിനാല്‍ തന്നെ ഏറെ പ്രതീക്ഷയോടെയാണ്‌ സിനിമയെ രജനി ഫാന്‍സ്‌ അടക്കമുള്ള ജനങ്ങള്‍ വരവേറ്റത്‌. പ്രതീക്ഷകള്‍ ഒന്നും 'എന്തിരന്‍' തെറ്റിച്ചില്ല.ശങ്കറിണ്റ്റെ മറ്റെല്ലാ സിനിമകളേയും പോലെ പ്രത്യേകതകളുള്ള 'എന്തിരന്‍' വിഷ്വല്‍ എഫക്ട്സിണ്റ്റെയും ഗ്രാഫിക്സിണ്റ്റെയും കാര്യത്തില്‍ പതിന്‍മടങ്ങു മുന്നില്‍ നില്‍ക്കുന്നു.ഇന്ത്യന്‍ സിനിമയില്‍ ഇതുവരെ കണ്ടിട്ടില്ലാത്ത കാഴ്ച്ചകള്‍ വെള്ളിത്തിരയില്‍ ഒരുക്കി തന്നതിനു ശങ്കറിനു നന്ദി. കഥാതന്തു:സയണ്റ്റിസ്റ്റ്‌ രജനി തണ്റ്റെ പത്തുവര്‍ഷത്തെ കഠിനപ്രയത്നത്താല്‍ തണ്റ്റെ അതേ രൂപത്തില്‍ ഒരു റോബോട്ടിനെ ഉണ്ടാക്കുന്നു.ലോകത്തിലെ എല്ലാ തരം ഭാഷകളും,നൃത്തവും ആയോധനകലയും അറിയുന്ന,യന്ത്രമനുഷ്യന്‍,ചിട്ടി.ഈ റോബോട്ടിനെ ചുറ്റിപറ്റിയാണ്‌ കഥ മുന്നോട്ടുപോകുന്നത്‌.ചതിയും,പ്രണയവും ഇതിനിടയില്‍ വിഷയങ്ങളാകുന്നു.സംങ്കട്ടനരങ്ങള്‍ വ്യത്യസ്തമാക്കാന്‍ ശങ്കര്‍ ശ്രമിച്ചിട്ടുണ്ട്‌.ഇതിനകം ഹിറ്റായ എ.ആര്‍.റഹ്മാന്‍ സംഗീതസംവിധാനം നിര്‍വ്വഹിച്ച ഗാനങ്ങള്‍ വേണ്ടരീതിയില്‍ ഉപയോഗിച്ചിരിക്കുന്നു.രജനികാന്തിണ്റ്റെ അഭിനയമാണ്‌ ചിത്രത്തിണ്റ്റെ പ്ളസ്‌ പോയണ്റ്റ്‌.'ചിട്ടി' എന്ന റോബോട്ടിനെ വളരെ തന്‍മയത്തത്തോടെ രജനി അവതരിപ്പിച്ചിരിക്കുന്നു.സൂപ്പര്‍ സ്റ്റാറിണ്റ്റെ കിരീടത്തില്‍ മറ്റൊരു പൊന്‍ തൂവലായി 'എന്തിരന്‍' മാറിക്കഴിഞ്ഞു.മണ്‍മറഞ്ഞു പോയ മലയാളനടന്‍ കൊച്ചിന്‍ ഹനീഫ ഒരു ചെറിയ റോളില്‍ പ്രത്യക്ഷപ്പെടുന്നുണ്ട്‌.മറ്റൊരു മലയാളി സാന്നിദ്ധ്യമായി കലാഭവന്‍ മണിയും ചിത്രത്തില്‍ അഭിനയിച്ചിരിക്കുന്നു.കേരളത്തില്‍ നല്ല പ്രതികരണമാണ്‌ ചിത്രത്തിനു ലഭിക്കുന്നത്‌.'എന്തിരന്‍' കളക്ഷന്‍ റെക്കോര്‍ഡുകള്‍ ഭേധിക്കുമെന്നതില്‍ സംശയമില്ല.അവതരണരീതിയില്‍ ഹോളിവുഡ്‌ ചിത്രങ്ങളോട്‌ കിടപിടിക്കുന്ന എന്തിരന്‍ വാന്‍ ഹിറ്റായി മാറിക്കൊണ്ടിരിക്കുന്നു.യന്തിരനെ അവതരിപ്പിച്ച ശങ്കറിനും അണിയറപ്രവര്‍ത്തകര്‍ക്കും വിജയാശംസകള്‍.
റേറ്റിംഗ്‌:7.0/10

Sunday, July 18, 2010

മലര്‍വാടി ആര്‍ട്സ്‌ ക്ളബ്ബ്‌ (Malarvadi Arts Club)

കിളിച്ചുണ്ടന്‍ മാമ്പഴം എന്ന ചിത്രത്തില്‍ വിദ്യാസാഗര്‍ ഈണം പകര്‍ന്ന 'കസവിണ്റ്റെ തട്ടമിട്ട്‌' എന്ന ഗാനം സുജാതക്കൊപ്പം ആലപിച്ചായിരുന്നു വിനീത്‌ ശ്രീനിവാസന്‍ എന്ന വ്യത്യസ്തതയാര്‍ന്ന ശബ്ദത്തിനുടമയായ ചെറുപ്പക്കാരണ്റ്റെ അരങ്ങേറ്റം.പിന്നീട്‌ ഒരുപാട്‌ ഗാനങ്ങള്‍ പാടുകയും അവയെല്ലാം മലയാളികള്‍ നെഞ്ചിലേറ്റുകയും ചെയ്തു.ക്ളാസ്മേറ്റ്സ്‌ എന്ന സിനിമയിലെ 'എണ്റ്റെ ഖല്‍ബിലെ' എന്ന ഗാനം ക്യാംബസുകളില്‍ തരംഗമായി മാറി.തുടര്‍ന്ന്‌ ഷാന്‍ റഹ്മാന്‍ എന്ന യുവ സംഗീത സംവിധായകണ്റ്റെ കൂടെ ചേര്‍ന്ന്‌ ആല്‍ബങ്ങള്‍ തയ്യാറാക്കുകയും,ഈ മേഖലയില്‍ ഗാനരചയിതാവായി തിളങ്ങുകയും ചെയ്തു.അതിനു പിറകെ സൈക്കിള്‍ എന്ന സിനിമയില്‍ പ്രധാനവേഷങ്ങളൊന്ന്‌ കൈകാര്യം ചെയ്ത്‌ അഭിനയത്തിലേക്കും ചുവട്‌ വച്ചു.ഈ ചിത്രവും തണ്റ്റെ അച്ചണ്റ്റെ കൂടെ അഭിനയിച്ച മകണ്റ്റെ അച്ചനും ഹിറ്റുകളായതോടെ തൊട്ടതെല്ലാം പൊന്നാക്കിയ ചെരുപ്പക്കാരനായി മാറി വിനീത്‌.എന്നാല്‍ കഴിവുകള്‍ ഇതിലൊന്നും ഒതുങ്ങുന്നില്ല എന്ന്‌ വീണ്ടും തെളിയിച്ചിരിക്കുകയാണ്‌ വിനീത്‌ ശ്രീനിവാസന്‍ 'മലര്‍വാടി ആര്‍ട്സ്‌ ക്ളബ്ബ്‌' എന്ന സിനിമയിലൂടെ.വിനീത്‌ സംവിധാനം ചെയ്ത ആദ്യത്തെ സിനിമയാണ്‌ 'മലര്‍വാടി ആര്‍ട്സ്‌ ക്ളബ്ബ്‌'.തികച്ചും പുതുമുഖങ്ങളായ കുറച്ച്‌ ചെറുപ്പക്കാരെ വച്ചാണ്‌ വിനീത്‌ തണ്റ്റെ പ്രഥമസംരംഭം അണിയിച്ചൊരുക്കിയിരിക്കുന്നത്‌. ഏറെ കാലത്തിനു ശേഷം മലയാളത്തിലിറങ്ങിയ ഒരു നല്ല സിനിമയായി ഈ സിനിമയെ വിശേഷിപ്പിക്കാം.സൌഹൃദത്തിണ്റ്റെ ആഴവും കെട്ടുറപ്പും ഹൃദ്യമായി കാണിച്ച്‌ തരുന്ന ചിത്രം,പ്രേക്ഷകരെ ഒട്ടും ബോറടിപ്പിക്കാതെ കഥയ്ക്കും കഥാപാത്രങ്ങള്‍ക്കുമൊപ്പം മലര്‍വാടി ആര്‍ട്സ്‌ ക്ളബ്ബിലേക്കും കൊണ്ടുപോകുന്നു.സിനിമ കണ്ടിറങ്ങുന്ന ഒാരോരുത്തരും ഒരു നിമിഷമെങ്കിലും ഇങ്ങനെയൊരു മലര്‍വാടി കൂട്ടത്തില്‍ അംഗമായിരുന്നെങ്കില്‍ എന്നാശിച്ചുപോകും. മലര്‍വാടി പിള്ളേരെന്നറിയപ്പെടുന്ന അഞ്ചു കൂട്ടുകാരുടെ സ്നേഹബന്ധത്തിണ്റ്റെ കഥയാണ്‌ മലര്‍വാടി ആര്‍ട്സ്‌ ക്ളബ്ബ്‌.ഇവരുടെ ഇണക്കങ്ങളും പിണക്കങ്ങളും വളരേ തന്‍മയത്തത്തോടെ തന്നെ പറഞ്ഞിരിക്കുന്നു.പുതുമുഖങ്ങളായ എല്ലാവരുടെയും അഭിനയം നന്നായിട്ടുണ്ട്‌.ഇവര്‍ക്കെല്ലം തന്നെ ശോഭനമായ ഭാവി മലയാള സിനിമയില്‍ ഉണ്ടാകുമെന്ന്‌ പ്രതീക്ഷിക്കുന്നു.ഷാന്‍ രഹ്മാനാണ്‌ സംഗീതം.'മാന്യമഹാ ജനങ്ങളേ' എന്ന ഗാനം ചിത്രീകരണത്തിണ്റ്റെ വ്യത്യസ്തത കൊണ്ടു ഭംഗിയാക്കിയിരിക്കുന്നു.സൌഹൃദത്തിണ്റ്റെ നേര്‍ത്ത മഴയാണ്‌ 'ഇന്നൊരീ മഴയില്‍' എന്ന ഗാനം.സന്ദര്‍ഭോചിതവും അല്‍പ്പം രസകരവുമായ പശ്ചാത്തല സംഗീതം ആണ്‌ ചിത്രത്തിണ്റ്റെ പ്ളസ്‌ പോയണ്റ്റ്‌.ചിലയിടങ്ങളില്‍ സംവിധാനത്തിണ്റ്റെ പാളിച്ചകള്‍ കാണാമെങ്കിലും ആദ്യ ചിത്രം തന്നെ ഞാനടക്കമുള്ള പ്രേക്ഷകരുടെ പ്രതീക്ഷകള്‍ക്കപ്പുറം ഉയര്‍ന്നത്‌ കൊണ്ട്‌ വിനീത്‌ ശ്രീനിവാസന്‌ ഏറെ അഭിമാനിക്കാം.കൂടാതെ ഒരാഴ്ച മുന്‍പ്‌ ഇറങ്ങിയ അച്ചണ്റ്റെ തിരക്കഥാസൃഷ്ടിയെ കടത്തിവെട്ടി പ്രേക്ഷകരുടെ മനസ്സ്‌ കീഴടക്കുകയും ചെയ്തു ഈ അച്ചണ്റ്റെ മകന്‍.മലയാളസിനിമയുടെ മാറുന്ന മുഖമാണ്‌ മലര്‍വാടി ആര്‍ട്സ്‌ ക്ളബ്ബ്‌.കാച്ചിക്കുറുക്കിയ സംഭാഷണങ്ങളും അഭിനയപൂര്‍ണ്ണതയും ചിത്രത്തെ വേറിട്ടു നിര്‍ത്തുന്നു.ഇതിനകം തന്നെ ചിത്രത്തെ മലയാളികള്‍ ഇരു കൈയ്യും നീട്ടി സ്വീകരിച്ച്‌ കഴിഞ്ഞു,ഈ മലര്‍വാടി കൂട്ടം ഒരു സൂപ്പര്‍ ഹിറ്റായി മാറട്ടെ എന്നാശംസിക്കുന്നു.മലര്‍വാടി ആര്‍ട്സ്‌ ക്ളബ്ബിനു പിന്നില്‍ പ്രവര്‍ത്തിച്ച എല്ലാവര്‍ക്കും എല്ലാ ഭാവുകങ്ങളും നേരുന്നു.